Kefluniadur ret

• Kewerier Pentium pe genglotus
• Lenner CDROM
• D'an nebeutañ 32 Mo a vemor vev
• Kartenn c'hrafek kenglotus VESA 2.0

Evelkent ez eus doareoù all da staliañ Linux-Mandrake, dav eo deoc'h klask anezho en urzh :

• Lañsañ ar staliañ diwar Windows 95/98
• Lañsañ ar staliañ diwar MS-DOS
• Oberiañ ur bladennig loc'hañ gant Windows
• Hentennoù staliañ all

1. Loc'hañ end-eeun diwar CD

laez ar bajenn

2. Lañsañ ar staliañ diwar Windows 95/98

Dibabit Staliadur klok evit lañsañ staliadur boas Linux-Mandrake.

Mod all, dibabit ar staliadur Linux evit Windows ma ne mennit tamm ebet parzhañ ho pladenn galet ; krouiñ a raio ar goulev-se daou restr war ho parzhadur Windows evit Linux ; evelato, gorrek eo e-keñver ar staliadur klok, ha ma rankit adstaliañ Windows e vo kollet ho reizhiad Linux-Mandrake war un dro...

laez ar bajenn

3. Lañsañ ar staliañ diwar MS-DOS

Evit hen ober (en ur c'houlakaat eo el lenner D: ho CD), implijit an urzhiadoù a heul :

C:\> D:
D:\> cd \dosutils\autoboot
D:\dosutils\autoboot> autoboot.bat

Taolit evezh ne yelo ket en-dro an hentenn-se m'eo sevenet en ur prenestr DOS dindan Windows. Evit staliañ diwar Windows, heulhit ar c'hemennadurioù roet er rann 2 mar plij.

laez ar bajenn

4. Oberiañ ur bladennig loc'hañ gant Windows

• enlakit ar CDROM, goude-se digorit an arlun "Ma urzhiataer", klikit a-zehoù war arlun al lenner CDROM ha diuzit "Digeriñ"
• kit er renkell "dosutils" ha daouglikit war an arlun "rawwritewin"
• lakit ur bladennig goullo el lenner
• diuzit "D:\images\cdrom.img" er vaezienn "Restr skeudenn" (en ur c'houlakaat eo "D:" ho lenner CDROM, a-hent-all erlec'hiit "D:" evel ma zere)
• diuzit "A:" er vaezienn "Lenner pladennig" ha neuze klikit war "Skrivañ".

Evit kregiñ gant ar staliañ, enlakit ar CDROM el lenner, kement hag ar bladennig loc'hañ, hag adloc'hit an urzhiataer.

laez ar bajenn

5. Hentennoù staliañ all

• Dindan Linux (pe un unix arvenez all) skrivit war al linenn-urzhiañ :
  dd if=xxxxx.img of=/dev/fd0

• Dindan Windows, heulhit an hentenn displeget er rann 4, hogen en ur implij xxxxx.img (gwelit a-is) e lec'h cdrom.img.

• Dindan MS-DOS, en ur c'houlakaat eo ho CD al lenner D:, grit :
  D:\dosutils\rawrite.exe -f D:\images\xxxxx.img -d A

xxxxx.img eo ar skeudenn loc'hañ :

• cdrom.img : staliañ diwar CD-ROM.
• hd.img : staliañ diwar bladenn galet.
• network.img : staliañ diwar ftp/nfs/http.
• pcmcia.img : staliañ diwar lennerien pcmcia.

laez ar bajenn

Gallout a rit ivez implij ur staliañ mod skrid ma sav, evit abeg pe abeg, kudennoù gant ur staliañ grafikel. Evit e implij, gwaskit F1 war skramm degemer Linux-Mandrake, da c'houde skrivit text war al linenn-urzhiañ.

M'hoc'h eus ezhomm saveteiñ ho reizhiad Linux-Mandrake o vezañ, enlakit ho CDROM staliañ (pe ne vern pe bladennig loc'hañ a zere), gwaskit F1 war skramm degemer Linux-Mandrake, neuze skrivit rescue war al linenn-urzhiañ.

Gwelit http://www.linux-mandrake.com/drakx/README evit muioc'h a ditouroù teknikel.

Setu a-is lankadoù pennañ ar staliañ :

1. Enlakit ho CDROM staliañ (pe ho pladennig staliañ diouzh ret) hag adenaouit hoc'h ardivink.

2. Stokit enkas pa zeu skramm degemer Linux-Mandrake war wel hag heulhit gant aket ar c'hemennadurioù.

3. Ur wech peurc'hraet ar staliadur, eztennit ar CD-ROM pa vo stlapet kuit (ha ar bladennig ma 'z eus unan el lenner) ; adenaouiñ a rankfe ober ho ardivink.

4. Linux a rankfe loc'hañ. Goude loc'hañ, e c'hellot "Ereañ" war ho ardivink evel "root" pe ne vern pe gont arveriad krouet da vare ar staliañ.

Notenn a-bouez : ar gont "root" a ro deoc'h gwirioù diharz war ho reizhiad Linux. Na implijit ket anezhi nemet evit kefluniañ pe verañ Linux. Evit an implij pemdeziek, implijit ur gont arveriad boas gant an urzhiadoù "adduser USER" ha "passwd USER".
 
 

Evit skorad staliañ gwelit al listenn skignañ hag ar FAQoú e lec'hienn gwiad Mandrake :